بسم الله الرحمن الرحيم إخوانى الأعزاء دي اول مره فى حياتى بد ون علشان كده انا مش عارف ايه الموضوع اللى هاتكلم فيه بس اكتر موضوع مطروح دلوقتى للمناقشه هو اللى بيحصل فى مصر علشان كده انا لازم انا كمان اقول رئي فى اللى بيحصل برغم انى بعيد عن الاحداث بس فى النهايه انا مصرى وبحب البلد دى ولازم كل اللى بيحب مصر يكون قلبه عليها انا شايف ان كل جماعه او حزب من الاحزاب عاوز ياخد نصيبه من الكحكه ومش هامه مصلحة البلد حتى الجيش انا مش عارف هو بيدير البلد باى طريقه وكل الناس عماله تحارب فى التيارات الاسلاميه كانهم هما اللى هايودونا فى داهيه طيب هو احنا جربنا نحكم بالاسلام علشان نخاف منه كده طيب اللى خايف ان الاسلاميين يمسكوا الحكم هو نفسه مسلم طيب لما انت مسلم ازاى خايف من حكم الله طيب احنا جربنا حكم العسكر وجربنا كمان الحكم المدنى وكلهم ودوا البلد فى ستين داهيه وده واضح للجميع طيب ليه مانجربش واحد من الناس الملتزمه دى ونشوف ايه النتائج وبعد كده نحكم على الاسلاميين اذا كانوا يصلحوا ولا لا وعندى سؤال للجماعه العلمانيين واللبراليين اللى بينادوا بان الدين ينفصل عن السياسه انت عارف اصل الليبراليه ايه الليبراليه ظهرت فى اوربا عندما كانت الكنيسه هى اللى كانت متحكمه فى كل شئ وكاانت بتحارب العلم والعلماء وكان اى اختراع جديد بيعتبروه كفر وكان جزاء المخترع الإعدام وعلشان كده ظهرت المطالبات بفصل الدين عن السياسه بس فى نقطه انتم غفلتم عنها ان دينا مش بيحارب العلم بالعكس ده بيشجع على العلم والتعليم عمرك شفت مخترع اتحاكم على اختراعه فى الاسلام علشان كده ظهرت الليبراليه فى اوربا لان دينهم كان هو سبب تاخرهم اما نحن المسلمين فدينا لايمنعنا من التقدم والعلم يبقى ليه نفصل الدين عن حياتنا وهو ده منهجنا وجزاكم الله خيرا